ناس بتتكلم عليك بالسوء وتغلط فيك ؟!. دول نتعامل معاهم ازاي

في ناس بتتكلم عليك بالسوء وتغلط فيك صح كده ؟! ناس بتجيب سيرتك بكلام مهواش فيك .. دول نتعامل معاهم ازاي ؟! .. هنصحك نصيحه اخويه شوف يا صديقي كيف تتعامل مع الشخص الذي يتكلم عنك بسوء 

سيدنا عُمر قال : ( أميتوا الباطل بالسكوت عنه ) ????.. دول اهل باطل لو رديت عليهم هيزيدوا ف الكلام لكن لو سكت ومعبرتهمش هيهدوا تدريجيًا ويموت كلامهم معاهم .. حتي الناس اللي شتموا الرسول عليه الصلاه والسلام محدش يعرف قالوا ايه .. لان الصحابه مهتموش بنقل الشتايم دي اساسًا وانتهت بمرور الوقت .. علي رأي المثل ( النار تأكل بعضها ان لم تجد ما تأكله ) النار لما تبقي والعه لو سبتها بدون ما تُحط عليها حطب او بنزين بيحصل ايه ؟! بتاكل روحها وتِصبح رماد صح ؟! اهو ردك علي السُفهاء بيشعلهم اكتر انما سبهم يموتوا بغيظهم وياكلوا نفسهم ومتعبرهمش .. ودا مُش ضعف بس انتي اكبر من كدا ..و ارقي واعظم من انك تتدني وترد .. السماء العاليه ؟! هل بتضر او بيحصلها حاجه بصوت الكلاب ؟! لاء طبعًا .. اهو انت زي السما .. وبعدين ياسيدي اهلا بحسنات لم نتعب من أجلها .. وكفايه انهم ياخدوا من عمرهم ويفكروا فيك اذا انت حد مُهم .. انا شخصيًا عُمري ما زعلت من نقد او زعلت من شتميه ورديت عليها .. أولاً النقد الايجابي بستفاد منه تطوير الشخصيه والاسلوب وانتقاء الالفاظ والكلمات بعنايه بحيث تكون لائقه بعقل القارئ .. وبستفاد من غلطهم بحاجتين .. الصبر والحسنات .. وبالصبر أدخل الجنه باذن الله .. اذا انتي او انت في كِلا الحالتين مُستفيد مترديش علي حد بيغلط فيكي او تِظهري لُه دا خليكي واثقه ف نفسك .. وانت اوعي تعبرهم وترد لانك ف الحاله دي هتتساوي بيهم .. وعلي رأي هِتلر " ( لا تُجادل الاحمق فقد يُخطئ الناس في التفريق بينكما ) ( وكُل الحروف فيها اٍعوجاج اٍلا الألف .. خليك ألف .. تبقي الوحيد المُختلف ) .. خُد قرار انك متكتبش حرف او تعبر اي حد يجيب سيرتك لانه اقل من كدا مهما كان هو مين والامام الشافعي قال : ( الراحه النفسيه تكمُن في عدم الاهتمام بكلام الناس عنك ) .. وعلي رأي احد الصالحين : وهل من الحِكمه أن أعض كلبًا عضني ) ؟! لا والله يامولانا مهواش من الحِكمه خالص .. هات ايدك كدا .. اتفضل ياسيدي ????.. عهد مين دا ؟! عهد الله☝️ .. ياخي وربنا منا معبر ولا مُهتم بكلام حد يتقال عني بعد كدا .. ايوه بقي يامعلم جدع ????.. ومادام ربنا عارف ايه جواك متهتمش بكلام حد عليك .. واللي يغلط فيك طلعله لسانك بينك وبين نفسك وقوله : قُل موتوا بغيظكم اٍن الله عليم بذات الصدور

نشرت في : ١٤‏/٧‏/٢٠١٩ ٧:٠٦ م

برمجة وتصميم Amwally - أموالي 2019